காமம் சூத்திரம் 1 – புணர்ச்சியின் துவக்கத்தில்…. பகுதி 1

முன்னுரை : “ தந்திராவின் பொருள், நீ கடந்து செல்வதற்குறிய ஒன்றாக காமத்தைப் பயன்படுத்தலாம் என்பதுதான்.காமத்தை நீ முழுமையாக புரிந்துகொண்டுவிட்டால்,ஞானிகள் பேசிய பேரின்பம், எல்லையற்ற ஆனந்தம் ஆகியவைகளையும் நீ புரிந்துகொளள முடியும்” – ஓஷோ

முதல் சூத்திரம் :- “ புணர்ச்சியின் துவக்கத்தில் உன் கவனத்தை ஆரம்ப நெருப்பின் மீது வை. தொடர்ந்து அப்படிச் செய்வதன் மூலம் முடிவிலிருக்கும் கனலை தவிர்த்துவிடு “

இதுதான் மிகப் பெரிய வேறுபாடு- உனக்கு காமம் ஒரு வெளியேற்றும் செயல் . நீ அதனுள் அவசரமாகச் செல்கிறாய். உனக்கு விடுதலை தேவை- நிரம்ப வழியும் சக்தி வெளியேற்றப்படவேண்டும். நீ சங்கடத்திலிருந்து விடுபடுவாய். இந்த நிலை ஒரு வலுவற்ற நிலை. நிரம்பி வழியும் சக்தி ஆவலை , இருக்கத்தை ஏற்படுத்துகிறது. ஏதாவது செய்ய வேண்டும் என்று நினைக்கிறாய். சக்தி வெளியேற்றப்பட்டதும் நீ வலுவிலந்து விடுகிறாய். இந்த வலுவின்மையை ஓய்வு என்று நினைக்கிறாய். ஏனென்றால் ஆவல் இல்லை ; நிரம்பி வழியும் சக்தி இல்லை. நீ இளைப்பாறலாம்.ஆனால் இந்த ஓய்வு எதிமறையானது.நீ உன் சக்தியனத்தையும் வெளியே கொட்டுவதன் மூலம் இந்த ஓய்வுக்கு மிகப்பெரிய விலை கொடுக்கிறாய். இந்த ஓய்வு உடலில் மட்டுமே. இது ஆழமாகச் சென்று இறைத்தன்மையாக மாறாது.

இந்த முதல் சூத்திரம் அவசரப்படாதே; முடிவை அடையத் துடிக்காதே என்று கூறுகிறது. துவக்க நிலையிலேயே இரு. கலவியில் இரண்டு பகுதிகள் உள்ளன.துவக்கம், முடிவு என்று. துவக்கத்திலேயே இரு. துவக்க நிலை அதிக ஓய்வும் கதகதப்பும் தருவது- முடிவுக்குச் செல்ல அவசரங் காட்டதே. முடிவை முற்றிலும் மறந்துவிடு.

புணர்ச்சியின் துவக்கத்தில் உன் கவனத்தை ஆரம்ப நெருப்பின் மீது வை.

நீ நிரம்பி வழியும்போது, வெளியேற்றத்தப் பற்றி சிந்திக்காதே. இந்த னிரம்ப வழியும் சக்தியோடு இரு . விந்தை வெளியேற்ற நினைக்காதே. அதை மறந்துவிடு.ஆரம்ப நிலையில் இருக்கும் கதகதப்பிலேயே இரு. உன் காதலன் அல்லது காதலியோடு ஒன்றாகி விட்டதைப் போல் இரு. ஒரு வட்டத்தை உருவாக்கு..

( தொடர்ச்சி அடுத்த பதிப்பில் )

ஓஷோ;- தந்திரா ஆன்மிகமும் பாலுணர்வும்