நன்றி நன்றி நன்றி நன்றி நன்றி நன்றி நன்றி நன்றி

வணக்கம்

நண்பர்களே , எனது இந்த சிறு முயற்ச்சிக்கு ஆதரவு தந்தமைக்கு மிகவும் நன்றி, இந்த தளம் ஆரம்பிக்கப்பட்டு ஒரு மாதத்திற்க்கும் குறைவாகத்தான் இருக்கும், ஆயினும் தங்களைப்போல உள்ளவர்களின் வருகை எனக்குள் மேலும் ஊக்கத்தை தருகிறது.

எனது குறிக்கோள் என்ன ? எதற்க்காக இதை செய்கிறேன் ?

எனது குறைக்கோள் எனது சந்தோஷமே , இந்த வேலை எனக்கு சந்தோஷத்தை அளிக்கிறது, அதனால் மட்டுமே செய்கிறேன் !

நான் இப்படித்தான் இதை செய்யவேண்டும் அல்லது இதை நீ செய்யக்கூடாது என சில அனானி நன்பர்களின் ( பின்னூட்டங்கள், மற்றும் தொலைபேசி அழைப்புகள் )
வேண்டுகோள் வந்தன.. அதனால் இதை எழுதுகிறேன் ..

இந்த வலைப்பதிவில் காமத்தை மட்டுமே மைய்யமாக வைத்து எழுதுவதாக ஒரு புகார் !
என்னை பொருத்தவரை , ஓஷோவை முழுமையாக ஏற்றுக்கொண்டவன் எனது தாயும் ஒரு ஓஷோ சந்நியாசிதான் , அதுவும் முதலில் கடுமையாக எதிர்த்து பின் அவர்களாகவே முழுமையாக அதை ஏற்று கொண்டவர் ( மிகவும் உருக்கமான அந்த நிகழ்வை தனியாக பின் எழுதுகிறேன்) , அதனால் இனி இந்த வாதத்தை மீண்டும் வைப்பது தங்களின் யோசிக்கும் திறமையை மைய்யமாக கொண்டது.

இப்படித்தான் , ஒரு ஆங்கிலேய ப் பெண்மணி ஓஷோவிடம் அவருடைய “ From sex to superconciousness “ என்ற புத்தகத்தை வாசித்துவிட்டு, ஓஷோவிற்க்கு கடிதம் எழுதினார் “ நீங்கள் இந்த புத்தகத்தில் குறிப்பிட்ட பக்கத்தில் இத்தனை முறை இந்த காமம் குறித்த வார்த்தயை பயன்படுத்தி உள்ளீர்கள் இது மிகவும் தவறு எனச்சொன்னார் “ அதற்க்கு ஓஷோ அத்தனை பக்கங்களைக் கொண்ட புத்தகத்தில் அந்த குறிப்பிட்ட வார்த்தைகள் மட்டுமே தான் உன்னை கவர்ந்திருப்பது உன்னுடைய மனதின் குறைபாடு மட்டுமே “ என பதில் கடிதம் எழுதச்சொன்னார்.

அது போல நான் நண்பர் மாடசாமி என்பவரிடம் பேசிக்கொண்டிருந்த போது அவர் சொன்னார் “ நான் முதலில் ஓஷோவைப் பற்றிய தவறான கருத்துகொண்டபுத்தகத்தை ( ஒரு பத்திரிக்கை )படிக்க நேர்ந்தது அதனால் ஒரு தவறான ஒரு எதிர்பார்ப்புடனே நான் முதலில் ஓஷோவிற்க்கு வந்தேன் “என்றார் பின்நாளில் அவர்தான் “ காமத்திலிருந்து கடவுளுக்கு “என்ற தலைப்பில் மிக அருமையாக “ from sex to superconciousness “ என்ற ஓஷோவின் புத்தகத்தை தமிழில் மொழிபெயர்த்தார் . அந்த புத்தகம் தான் தமிழில் வந்த ஓஷோவின் முதல் நூல் ( இந்த புத்தகம் தான் முதல் நூல் என்பது எனது அனுமானம் ) அதனால் அறிமுகம் முக்கியமில்லை என்பது எனது கருத்து.

என்னுடைய இந்த முயற்சி புதிதாக வருபவருக்கும் ஒரு சுவரசியமாக இருக்கட்டும் என்பது எனது நோக்கம் ,

மேலும் எனக்கு அனானிகளிடம் சண்டையிட நேரமில்லை , தங்களுக்கு ஏதாவது திட்டவேன்டும் என்றால் வழக்கம்போல திட்டிக்கொண்டிருக்கலாம் அது தங்களது சுதந்திரம் , முகம் தெரியாமலே நீங்கள் திட்டுவது சற்று சலிப்பாக இருக்ககூடும் அதனால் என்னுடைய இந்த புகைப்படத்தை வைத்துக்கொண்டே தாங்கள் இனி திட்டலாம்.

மேலும் என்னிடம் இருக்கும் ஓஷோவின் osho audio mp3, video , e-book, meditation music and dance music ஆகிய தேவைப்படுபவர்கள் தொடர்பு கொள்க , இலவசமாக பகிர்ந்தளிக்க காத்திருக்கிறேன் …




மீண்டும் அன்புடன்


ஆனந்த நிருப்